Digwyddiad Rhagnodi Cymdeithasol Powys

Ydych chi’n cymryd rhan mewn cynllunio neu gyflwyno mentrau rhagnodi cymdeithasol ym Mhowys? Ymunwch â ni ar gyfer y digwyddiad pwysig hwn lle bydd y sector gwirfoddol, Bwrdd Iechyd Addysgu Powys (BiAP), Cyngor Sir Powys (CSP), a Llywodraeth Cymru yn dod at ei gilydd i archwilio’r dirwedd rhagnodi cymdeithasol gyfredol.

Mae’r digwyddiad hwn yn darparu llwyfan i sefydliadau drafod y cyfleoedd a’r heriau sy’n ymwneud â gweithredu’r Fframwaith Rhagnodi Cymdeithasol ym Mhowys. Bydd yn cynnig mewnwelediadau gwerthfawr i’r gwasanaethau presennol, datgelu bylchau mewn darpariaeth, a hybu cydweithredu i sicrhau bod yr ymdrechion yn cyd-fynd â Fframwaith Rhagnodi Cymdeithasol Llywodraeth Cymru.

Canlyniadau Allweddol:

• Ennill dealltwriaeth o ba sefydliadau sy’n darparu gwasanaethau rhagnodi cymdeithasol ledled Powys ar hyn o bryd.
• Nodi bylchau mewn cyflwyno gwasanaethau ac archwilio ffyrdd o wella ac ehangu mentrau.
• Gweithio gyda’n gilydd i alinio ymdrechion â Fframwaith Rhagnodi Cymdeithasol Llywodraeth Cymru, gan sicrhau bod gwasanaethau’n hygyrch ac yn deg i bob cymuned ym Mhowys.

Rydyn ni’n gobeithio eich gweld yn y cyfle hwn i helpu i siapio dyfodol rhagnodi cymdeithasol ym Mhowys a sicrhau bod pawb yn gallu cael gafael ar y cymorth sydd ei angen arnynt.